أفضل تطبيقات الأخبار!

حد سألني على تطبيقات خاصة بالأخبار، ومن رأي أحسن تطبيقات تتابع عليها الأخبار هي اللي تقدر تخصص فيها اهتماماتك وبتحب تتابع إيه، بدل اللي بترمي أخبار وخلاص. في البوست ده هتلاقي تطبيقات بستخدمها بشكل شبه يومي:

 

  • لو معاك آيفون فـ Apple News أول اختيار وعموما هيكون موجود عندك أصلا يعني مش محتاج تنزله من الستور، وتقدر في التطبيق تخصص المصادر وعايز تتابع إيه.

og__divs9jfd19aq_image.png

  • برضه لو معاك تليفون أندرويد فهيكون أول اختيار Google News، وميزته إنه متاح على iOS برضه وطبعا بيعتمد في تجميع الأخبار على محرك البحث جوجل وده معناه إن الأخبار بتوصلك وش.

google-app-google-news-1og-compressor.jpg

  • كمان شركة ميكروسوفت عندها Microsoft News وده تطبيق مجاني للنظامين iOS وAndroid ، شبه التطبيقين في حاجات كتير بس تصميمه بيعجبني أكتر.

ms_news.png

  • أحلى حاجة في Feedly إنه بسيط وخفيف وسهل التخصيص، وتقدر من خلاله تتابع مواقعك المفضلة او حتى المدونات أو الموضوعات أو حسابات سوشيال ميديا أو حتى تتابع الموضوعات الخاصة بكلمات بحث معينة، ومتاح للنظامين.

feedly-696x430.jpg

  • الباشا Flipboard يمكن ميختلفش كتير عن التطبيقات السابقة، بس تصميمه والتعامل معاه مختلف تحس انك بتقرا مجلة.

flipboard-266x335

  • أوقات كتير بتشوف حاجة بس مفيش وقت تقراها دلوقتي، وفي نفس الوقت بتنسى ترجعلها، عارف عارف، بس حلك عندي، تطبيق Pocket للنظامين وممكن كمان تعمل حساب وتنزل الـ extension على كروم وأي صفحة تشوفها كل اللي هتعمله إنك هتدوس الرمز بتاعه وهو هيحفظها في حسابك وتقدر ترجعلها أي وقت.

unnamed.png

  • تطبيق evernote بقى عظيم قوي، لإنك مش بس هتقدر تحفظ لينكاتك المفضلة، لكن كمان تقدر تكتب عنها أفكارك عنها وتحفظها أو تبعتها لمستخدم تاني وحاجات كتير قوي صعب تتكتب في بوست واحد.

evernote-twitter

Leave a Reply

This site uses Akismet to reduce spam. Learn how your comment data is processed.