هواوي الشهيدة!

موضوع غريب قوي لاحظته،ولاء بعض الناس لبعض الـBrands كأن ليهم أسهم أو بياخدوا الأجهزة ببلاش مثلا.

الصورة دي من صفحة تكنولوجية “كبيرة” عايزة تظبط الـReach فعملت vote (هتدعم هواوي ضد الحكومة الأمريكية ولا هتدعم الحكومة الأمريكية). وده مش مهم.

واحد كاتب “مع هواوي حتى النهاية” 😂 مش فاهمك حقيقي يعني؟ انت بتناول في إيه؟ ونهاية إيه؟ دي شركة زي أي شركة، هدفها الأول والأخير “الربح منك” لكن هي في الاساس متعرفش انك موجود ع الكوكب ولا يهمها أصلا، عشان فيه غيرك.

اللي بيجيب جهاز (أي جهاز) هدفه الراحة والـconnectivity والـ conveniency، مش يجيب حاجة يعلقلها محاليل.

شخصيا بستخدم كل الأنظمة، بس آبل اكتر، ولو بكرة الصبح حصل نفس الموقف مع آبل مش هجيب حاجة منها تاني وهشوف نوع يسهل حياتي، عشان ده دور الأجهزة في حياتنا وميتعداش اكتر من كده. وعندي هواوي واجهزتها جامدة جدا مفيش كلام، بس خلاص وقعوا والدنيا بتتحرك بسرعة قوي عشان نلزق في براند عندها مشاكل.

كل اللي المفروض ندور عليه في التكنولوجيا، انها تساعدنا وتلائم احتياجاتنا وتسهل تعاملنا اليومي، مش تصعبها.

Leave a Reply

This site uses Akismet to reduce spam. Learn how your comment data is processed.