حب الروح فاني!

الـ Trend دلوقتي “كله يقولك انا عايزة واحد يحب روحي .. يحب قلبي وعقلي .. مش بس جسمي”.

طيب ما هو ممكن يشتري كتابين وينزل سيمفونيتين ويروح يحضر بحيرة البجع وتبقى قِضيت كده واتعشت. اللي داخل علاقة عايز الباكدج كلها، مش هيرتبط بـصفية زغلول، وهينام جنب جيفارا.

الاهتمامات المشتركة، والثقافة والقراية والعنصرية في جنوب افريقيا وانقراض الدب القطبي، متمنعش ان يبقى فيه حركات. الحركات مهمة يا شعب الفيمنست. غباء المجتمع في تعامله معاكوا مش لازم يحولكوا لكائنات جامدة كل حياتهم قضايا وشعر وكتب وقراية ومناقشات، وتنمية بشرية.

ما يبقاش الخط الدفاعي ليكوا ان طالما المجتمع بيبص للست على انها “ست” بس، وعلشان هو مجتمع “ذكوري”، فتحاولوا تتحولوا لكائنات تانية لا هي ست ولا هي راجل، حاجة مشوهة كده.

التوازن بين كل حاجة .. أهم حاجة. وبعدين ايه موضوع الناس اللي بيتكلموا فصحى مع بعض دول؟! يعني انا أبقى بتكلم في البيت، اقولها عمت صباحاً يا جميلتي، وهي تقولي صباحُ الخير يا صلاح الدين؟! وايه اخبار قافلة الشمال على حسك يا حاجة فيرجينيا ؟!

أيه .. مش كده، فكوها كده وعيشوا. الدنيا سهلة.

 

لازم كله مع بعضه.. انا قولت(للمرة السبعتلاف) .. دي باكدج كل حاجة مع بعض .. اللي يستثني حاجة يبقى مش فاهم.. لو استثنينا الروح والعقل بقى حيوان .. ولو استثنينا الجسم يبقى حيوان وواهم . يحترم افكارها اهلًا .. محدش قال حاجة، لكن لا تُرغَم عليه. مفيش حاجة بتزهق في العلاقة .. غير النمطية والروتين.

 

 

الموضوع مش موضوع شكل خالص… جود سكس نوت اباوت جود بوديز.

 

الأفكار والروح لازم يكونوا موجودين بس مش كل حاجة، هم حاجة من الحاجات. تطلب انه يحب روحها وعقلها طبعا، وده مشروع ومطلوب وضروري، بس أهميته من أهمية الانتيمسي، العلاقة متنفعش بنقص من اي حاجة من دول.

#إلعبوا_مع_بعض

Leave a Reply

This site uses Akismet to reduce spam. Learn how your comment data is processed.