ABOUT THE QUOTE!

Minds دي بقي تحتها

خرافات وتقاليد واعراف عليها تراب، والناس هتقول علينا ايه.. ولا لازم يدخل كلية احسن من ابن عمه ولا فرحها يبقى احسن من بنت خالتها.

غير طبعا قياس الكفاءة بالعمر، وان اللي اكبر يعرف اكتر وشغل الجنزوري وابو النجا.

والحكم ع الناس بالمظاهر واللبس والعربية، والحكم عليهم من فيسبوك، وتقييم أخلاقهم من لبسهم.

وتقييم أخلاق البنت على حسب الساعة اللي بترجعها البيت.

طبعا غير نجيب بنت محترمة تهدي ابننا المجنون اللي معرفناش نربيه.

ونبطل لا منطلعش م الخطوبة خسرانين، و يكتبلها قايمة بحاجات بتاعته عشان تحبسه بيها لو سابها.

نبطل الحياة اللي تحت التهديد وتوقع البلا قبل ما يحصل.

نبطل مفيش وقت ومفيش فلوس وحظي كده ونمشي جنب الحيط واللي نعرفه احسن من اللي منعرفوش.

نبطل لزقتنا في حاجة بتضرنا اكتر ما بتنفعنا( شغل، بيت، جواز، منطقة، بلد).. ربنا خلقنا بني آدمين مش شجر.

حاجات كتير قوي مش فاكر دلوقتي، اللي فاكر يكتب ايه محتاج يتغير علشان نتقدم!

Leave a Reply

This site uses Akismet to reduce spam. Learn how your comment data is processed.